تايبة وندمانة

يارب ارحمني.. انا تعبانة
اغفرلي وارحمني دانا شيطانة
واغسلني من ذنوبي ورجعني تاني انسانة
ارجوك ياربي..انا تايبة وندمانة
ومن النهارده هعيشلك حياتي بكل امانة
…….
انا جرحتك والمتك كتير
لكن خلاص انا قررت التغيير
في طريق الخطية تاني ابدا مش هسير
وبعاهدك اني هاتصرف بضمير
وهحترم واخدم صغير وكبير
…….
بدموعي علي بابك واقفة وببكيلك
انا من قلبي بحبك وماليش غيرك
افتحلي ياربي وخليني ضمن قطيعك
وانا بعاهدك..هاحفظ وصاياك وهطيعك
ودايما هخلي قصاد عيني كلام انجيلك